સમાજશાસ્ત્ર ભવન દ્વારા આયોજિત જ્ઞાનસુધા મણકો ૨૬ અંતર્ગત તા.૨૬/૦૩/૨૦૨૫ના રોજ “બિન નફાકારક સંસ્થાઓની સામાજિક જવાબદારીઓ” વિષય ઉપર વ્યાખ્યાન યોજાયું હતું. જેમાં રોટરેકટ ક્લબ રાજકોટના પ્રેસિડેન્ટ કુ. ડિમ્પલબેન નાયક દ્વારા વિદ્યાર્થીઓને સૌપ્રથમ રોટરેકટ ક્લબના સામાજિક કાર્યોની માહિતી આપી હતી. બ્લડ-ડોનેશન કેમ્પ, શાળાના બાળકોને આર્થિક તેમજ સ્વાસ્થ્યલક્ષી સહાય આપવી, માનસિક તાણમાંથી પસાર થયેલા યુવાનોને સ્વસ્થ કરવાની પ્રવૃતિઓથી માહિતગાર કર્યા હતા. આ ઉપરાંત સ્ત્રીઓ આત્મનિર્ભર બને તે માટે ક્લબ દ્વારા જુદા-જુદા પ્રકલ્પો હાથ ધરવામાં આવે છે જે અંગે માહિતી આપવામાં આવેલ હતી. વિદ્યાર્થીઓને જુદી-જુદી સામાજિક સંસ્થાઓની માહિતી પૂરી પડી હતી અને એક સારા નાગરિક તરીકેની ફરજો વિષે વિદ્યાર્થીઓને માર્ગદર્શન આપ્યું હતું અને વ્યક્તિ પોતાના ખભા પર જવાબદારી લેતો થાય તેનું જ્ઞાન પૂરું પાડ્યું હતું. સમગ્ર કાર્યક્રમને સફળ બનાવવા માટે સમાજશાસ્ત્ર ભવનના સ્ટાફ તેમજ સંશોધક વિદ્યાર્થીઓએ ભારે જહેમત ઉઠાવી હતી.