સમાજશાસ્ત્ર ભવન દ્વારા આયોજિત “જ્ઞાનસુધા મણકો” ૨૫ અંતર્ગત તા.૧૫/૦૨/૨૦૨૫ના રોજ “ભારતીય શાસ્ત્રોમાં સમાજશાસ્ત્રીય સંશોધન” વિષય ઉપર વ્યાખ્યાન યોજાયું હતું. સૌરાષ્ટ્ર યુનિવર્સિટીના સંસ્કૃત ભવનના પૂર્વ અધ્યાપક પ્રો. રાજેન્દ્ર ચોટલીયા સાહેબ દ્વારા વિદ્યાર્થીઓને શાસ્ત્રોનો અર્થ તેમજ પ્રાચીન સમાજ વ્યવસ્થા, કૃષિ વ્યવસ્થાની પદ્ધતિ, પ્રાચીન પરંપરાઓ, તેમજ આધુનિક ટેક્નોલોજી  વિશેની રસપ્રદ માહિતી આપી. ભારતીય શાસ્ત્રોનું મહત્વ સમજાવી, ભારતીય પ્રાચીન સમાજ વ્યવસ્થાને સમજીને સમાજશાસ્ત્રીય સંશોધનના નવા ક્ષેત્રોની ઊંડાણપૂર્વકની માહિતી આપી હતી જેમાં બહોળી સંખ્યામાં વિદ્યાર્થીઓએ ભાગ લીધો હતો અને રસપ્રદ પ્રશ્નોતરી પણ કરવામાં આવેલ હતી. આ કાર્યક્રમને સફળ બનાવવા માટે સમાજશાસ્ત્ર ભવનના સમગ્ર સ્ટાફ તથા પીએચ.ડી.ના સંશોધક વિદ્યાર્થીઓએ ભારે જહેમત ઉઠાવી હતી.