સમાજશાસ્ત્ર ભવન દ્વારા આયોજિત જ્ઞાનસુધા મણકો ૨3 અંતર્ગત તા. ૨૪/૦૧/૨૦૨૫ના રોજ “આરોગ્યનું સમાજશાસ્ત્ર અને ભારતમાં ટેલિમેડીસીન” વિષય ઉપર વ્યાખ્યાન યોજાયું હતું. સરદાર પટેલ યુનિવર્સિટીના સમાજશાસ્ત્ર ભવનના અધ્યક્ષ પ્રો. (ડૉ.) ઈલા એમ. મેકવાન દ્વારા વિદ્યાર્થીઓને આરોગ્ય, સ્વચ્છતા અને સમાજશાસ્ત્રમાં આરોગ્યના મહત્વ અને વર્તમાન સમયમાં ટેલીમેડીસનના વધતા જતા પ્રમાણ વિષે વાત કરી હતી. વર્તમાન સમયમાં આરોગ્યની સમસ્યા વધુ જટિલ બનતી જાય છે ત્યારે સમાજશાસ્ત્રના વિદ્યાર્થીઓ આ સમસ્યાને કેવી રીતે નિવારી શકે તેના સૂચનો આપ્યા હતા. આ ઉપરાંત કેન્દ્ર સરકાર અને ગુજરાત સરકારની આરોગ્યલક્ષી વિવિધ યોજનાઓ વિશેની માહિતી પૂરી પાડી હતી. આ ઉપરાંત ઔષધીય અને ઘરેલું ઉપચાર જેવી પરંપરાગત સમયની આરોગ્ય ચીકીત્સા પધ્તીઓની પણ વિસ્તૃત વાત કરી હતી.