સમાજશાસ્ત્ર ભવન દ્વારા આયોજિત જ્ઞાનસુધા મણકો ૨૨ અંતર્ગત તા. ૦૪/૦૧/૨૦૨૫ના રોજ “મુલ્યો અને વ્યક્તિત્વ” વિષય ઉપર વ્યાખ્યાન યોજાયું હતું. જેમાં મનોવિજ્ઞાન ભવનના અધ્યપાક ડૉ. ધારાબેન દોષી દ્વારા વિદ્યાર્થીઓને સમાજના મુલ્યો વિશેની સમજ તેમજ સારા વ્યક્તિત્વ વિષે માહિતગાર કર્યા હતા. આ ઉપરાંત સમાજની વ્યવસ્થાને જાળવવા માટે સારા વ્યક્તિત્વની આવશ્યકતા તથા વ્યક્તિગત મુલ્યો અને સામાજિક મુલ્યો વિષે વાત કરી હતી. વ્યક્તિ અને સમાજ એ એક સીક્કાની બે બાજુ છે તેમ સમજાવીને વ્યક્તિત્વ અને મૂલ્ય એ એક સીક્કાની બે બાજુ છે તેવું જણાવી વિદ્યાર્થીઓને યોગ્ય માર્ગદર્શન આપ્યું હતું. તેમજ સારા વ્યક્તિત્વની લાક્ષણિકતા વિષે માહિતગાર કર્યા હતા. વ્યક્તિના વ્યક્તિત્વ ઘડતરમાં મુલ્યોની શું ભૂમિકા રહેલી છે તેની સમાજ આપી વિદ્યાર્થીઓને અભિભુત કર્યા હતા.

        આ કાર્યક્રમને સફળ બનાવવા માટે સમાજશાસ્ત્ર ભવનના સમગ્ર સ્ટાફ તથા પીએચ.ડી. ના સંશોધક વિદ્યાર્થીઓએ જહેમત ઉઠાવી હતી.