સમાજશાસ્ત્ર ભવન દ્વારા આયોજિત જ્ઞાનસુધા મણકો ૨૧ અંતર્ગત તા. ૨૧/૧૨/૨૦૨૪ના રોજ “મહારાણી અહલ્યાબાઈ હોલકરનું સામાજિક અને રાજકીય પ્રદાન” વિષય ઉપર વ્યાખ્યાન યોજાયું હતું. નેનો સાયન્સ એન્ડ એડવાન્સ મટીરીયલ વિભાગના આદ્યાપક ડૉ. અશ્વિનીબેન જોષી દ્વારા વિદ્યાર્થીઓને  સમાજ સુધારક એવા મહારાણી અહલ્યાબાઈ હોલકરના પ્રદાન વિષે માહિતગાર કર્યા હતા. તેમના શાસનકાળ દરમ્યાન તેમણે આપેલી સુશાસન વ્યવસ્થાની સમજ આપી હતી. ખેડૂતો અને વેપારીઓ માટે ઘડાયેલી નીતિઓ વિશેની જાણકારી આપી હતી. તેમના કરેલા કર્યો જેવા કે ન્યાયાલયો, નીતિઓ, આર્થિક વિકાસ, સામાજિક વિકાસ, રોજગારીની નવી તકો જેવા કાર્યોની સમજ આપી હતી. આ ઉપરાંત રાષ્ટ્રના વિકાસ માટે થયેલા કાર્યોની માહિતીથી અવગત કર્યા હતા.

        સમગ્ર કાર્યક્રમને સફળ બનાવવા માટે સમાજશાસ્ત્ર ભવનના સમગ્ર સ્ટાફ તથા પીએચ.ડી.ના સંશોધક વિદ્યાર્થીઓએ ભારે જહેમત ઉઠાવી હતી.