સમાજશાસ્ત્ર ભવન દ્વારા આયોજિત જ્ઞાનસુધા મણકો ૧૮ અંતર્ગત તા.૨૧/૦૯/૨૦૨૪ના રોજ “સૌરાષ્ટ્રનું આહાર વૈવિધ્ય” વિષય ઉપર વ્યાખ્યાન યોજાયું હતું. જેમાં હોમસાયન્સ ભવનના અધ્યાપક ડૉ. રેખાબા જાડેજા દ્વારા વિદ્યાર્થીઓને શુદ્ધ તેમજ સાત્વિક ભોજનની રસપ્રદ માહિતીથી અવગત કરાવ્યા હતા. જેમાં સૌરાષ્ટ્રના વિવિધ આહાર અને તેમની વિશેષતાઓ વિશેની સમજણ પૂરી પાડી. સૌરાષ્ટના પ્રખ્યાત ભોજન તેમનું પોષણની દૃષ્ટિએ મહત્વ તેમાં રહેલા ઔષધીય ગુણો તેમજ ઋતુ પ્રમાણે વાનગીઓની આવશ્યકતાઓ અને આ ભોજન બનાવવાની રેસિપીઓ ઉપર વિગતે ચર્ચા કરવામાં આવેલ હતી ઉપરાંત સૌરાષ્ટ્રની જુદી જુદી વિશેષતાઓ સાથેની વાનગીઓને પણ વિદ્યાર્થીઓ સમક્ષ મુકેલ હતી જેમાં જૂનાગઢની કાઠીયાવાડી થાળી, કચ્છી દાબેલી, ભાવનગરના ગાઠીયા વગેરે પ્રદેશ આધારિત દૈનિક ખોરક વિશેની માહિતી પૂરી પાડી જેવી કે સવારે ઘી, ગોળ, ચા, રોટલી, ભાખરી, થેપલા, દહીં-તીખારી, બપોરે શાક, રોટલી, રોટલો, ભરેલા મરચા, દાળ-ભાત, સંભારો, અથાણું, મસાલા છાસ પાપડ તેમજ રાત્રે કઢી-ખીચડી, દૂધ,શાક, રોટલી-રોટલા, વગેરે વાનગીઓનો ગ્રહણ કરે છે. આમ સૌરાષ્ટ્રમાં રહેલ આહારોનું વૈવિધ્ય જણાવીને વિદ્યાર્થીઓને માહિતગાર કર્યા હતા અને અંતે પ્રશ્નોતરી રાખી વિદ્યાર્થીઓની જીજ્ઞાસા સમાધાન કર્યું હતું.

        સમગ્ર કાર્યક્રમને સફળ બનાવવા માટે સમાજશાસ્ત્ર ભવનના સમગ્ર સ્ટાફ તથા પીએચ.ડી.ના સંશોધક વિદ્યાર્થીઓએ ભારે જહેમત ઉઠાવી હતી.