સમાજશાસ્ત્ર ભવન દ્વારા આયોજિત “જ્ઞાનસુધા મણકો” ૧૭ અંતર્ગત તા.૦૪/૦૯/૨૦૨૪ના રોજ “સંશોધનનું મહત્વ” વિષય ઉપર વ્યાખ્યાન યોજાયું હતું. જેમાં ભક્તકવિ નરસિંહ મહેતા યુનિવર્સિટીના સમાજશાસ્ત્ર  ભવનના અધ્યક્ષ પ્રો. (ડૉ.) જયસિંહ ઝાલા દ્વારા વિદ્યાર્થીઓને સંશોધનની આવશ્યકતા તેમજ મહત્વ વિશે સમજ પૂરી પાડી હતી. વર્તમાન સમયમાં ગરીબી, આરોગ્યની, શિક્ષણની, લિંગ અસમાનતાની તેમજ બેરોજગારી જેવી અનેક સામાજિક સમસ્યાઓ ખુબ જ વધતી જાય છે આ સમસ્યાઓને દુર કરવા માટે સરકાર દ્વારા જુદા જુદા પ્રયાસો હાથ ધરવામાં આવે છે. આ સમસ્યાઓના મૂળ સુધી પહોચવામાં સંશોધકની ખુબ જ મહત્વની ભૂમિકા રહેલી હોય છે. સરકાર દ્વારા સમસ્યા સંબંધિત પ્રોજેક્ટ આપવામાં આવે છે જેનાથી સમસ્યાનું નિવારણ કરી શકાય. જુદા જુદા સંશોધન કરીને કાયદા તેમજ નીતિ નિર્માણનું કાર્ય સરળ બની રહે છે. વર્તમાન સમયમાં સંશોધનની આવશ્યકતા તેમજ મહત્વ સમજાવી જ્ઞાનનું રસપાન કરાવ્યું હતું.