સમાજશાસ્ત્ર ભવન દ્વારા આયોજિત જ્ઞાનસુધા મણકો ૧૨ અંતર્ગત તા.૧૧/૦૭/૨૦૨૨ ના રોજ “વિશ્વ વસ્તી દિવસ” વિષય ઉપર વ્યાખ્યાન યોજાયું હતું. જેમાં પ્રોગ્રામ ઓફિસર ફેમીલી પ્લાનિંગ એસોસિએશન ઓફ ઇન્ડિયા, રાજકોટના  અધિકારીશ્રી મહેશભાઈ જી. રાઠોડ સર દ્વારા વિદ્યાર્થીઓને વસ્તીના વર્તમાન ખ્યાલો વિષે માહિતગાર કર્યા હતા. વર્તમાન સમયમાં વસ્તીના પ્રમાણમાં સતત થતો વધારો એ એક ચિંતાનો  વિષય બની રહ્યો છે અને અતિવસ્તીના કારણે ઉભી થતી વિવિધ સમસ્યાઓ વિશેની સમજ આપી હતી. તેમજ વસ્તીના પ્રમાણમાં થતા સતત વધારા પાછળના કારણો  જણાવીને તેના નિવારણ તરીકે  કુટુંબ નિયોજનની માહિતી પૂરી પડી હતી. તેમજ આરોગ્યલક્ષી યોજના વિશેની માહિતી વિદ્યાર્થીઓને પૂરી પાડી હતી. આ ઉપરાંત વસ્તીવિષયક સિદ્ધાંતોની સમજ વિકસાવી હતી. અંતે નાનું કુટુંબ સુખી કુટુંબ સૂત્ર આપી વ્યાખ્યાનને નવી ચમક આપી હતી.  

        સમગ્ર કાર્યક્રમને સફળ બનાવવા માટે સમાજશાસ્ત્ર ભવનના સમગ્ર સ્ટાફ તથા પીએચ.ડી. ના સંશોધક વિદ્યાર્થીઓએ ભારે જહેમત ઉઠાવી હતી.