સમાજશાસ્ત્ર ભવન દ્વારા આયોજિત જ્ઞાનસુધા મણકો ૧૩ અંતર્ગત તા.૧૮/૦૭/૨૦૨૨ના રોજ “સમાજ અને જ્ઞાતિ” વિષય ઉપર વ્યાખ્યાન યોજાયું હતું. જેમાં લીલીયા સરકારી વિનિયન અને વાણીજ્ય કોલેજના આચાર્ય  ડૉ. રાજેન્દ્રસિંહ રાઠોડ દ્વારા વિદ્યાર્થીઓને ભારતની મૂળ વ્યવસ્થા તરીકે જ્ઞાતિની સમજ પૂરી પાડી  હતી. તેમજ ભારતમાં જ્ઞાતિ વિષે  થયેલા વિવિધ અભ્યાસોની માહિતી અને પ્રવર્તમાન સમયમાં જ્ઞાતિ વ્યવસ્થામાં આવેલ પરિવર્તનની  જાણકારી આપી હતી. જ્ઞાતિ અને સમાજ એક સિક્કાની બે બાજુ છે. ભારતની જ્ઞાતિ વ્યવસ્થા બંધ પ્રકારની વ્યવસ્થા છે. જેમાં વ્યક્તિ જ્ઞાતિના બંધનોથી ઘેરાયેલો રહે છે. તેમજ સમાજની વ્યવસ્થા સાથે સમાગમ સાધે છે. આ ઉપરાંત વ્યક્તિ અને સમાજનું મહત્વ સમજાવતા વિવિધ સમાજશાસ્ત્રીઓ વિશેની સમજ વિદ્યાર્થીઓને પૂરી પાડી  હતી.

         સમગ્ર કાર્યક્રમને સફળ બનાવવા માટે સમાજશાસ્ત્ર ભવનના સમગ્ર સ્ટાફ તથા પીએચ.ડી.ના સંશોધક વિદ્યાર્થીઓએ ભારે જહેમત ઉઠાવી હતી